Returning OFWs o mga Balik-Manggagawa, maaari na muling makaalis patungong Israel

Pinapayagan na muling makaalis patungong Israel ang mga returning overseas Filipino workers (OFWs) o ang mga Balik-Manggagawa.

Kasunod ito ng pasya ng Department of Foreign Affairs (DFA) na ibaba ang alerto sa Israel sa Alert Level 2 o restriction phase.

Ayon kay Department of Migrant Workers (DMW) Sec. Hans Leo Cacdac, sa ilalim ng Alert Level 2 maaari nang makaalis ang mga returning OFWs na mayroong valid na kontrata at pabalik sa kanilang employers.

Gayunman, hindi pa rin inirerekomenda ang deployment para sa mga newly hired workers sa Israel.

Ayon kay Cacdac, sinusunod ng DMW ang deployment rules ng DFA particular sa mga newly hired workers. (DDC)