Nasa likod ng viral video ni Michael Maurilio pinatutugis ni Sen. Risa Hontiveros sa NBI
Nagsampa na ng reklamo sa National Bureau of Investigation (NBI) si Senator Risa Hontiveros laban sa mga nasa likod ng viral video ng Senate witness na si Michael Maurilio.
Nais ni Hontiveros na imbestigahan ng NBI at matukoy kung sinu-sino ang nasa likod ng viral video ni Maurilio na naglalaman ng mga akusasyon laban sa senadora.
Ayon kay Hontiveros, ang nasabing video ay hindi lamang “fake news” kundi malinaw din na isa itong kaso ng “witness tampering”.
Pangha-harass din aniya ito sa mga biktima at testigo at sa mga staff ng senadora. (DDC)
