Abandonadong crew ng isang barko na stranded sa Iloilo Strait, sinagip ng DMW

Sinagip ng Department of Migrant Workers (DMW) ang labingtatlong (13) seafarers mula sa isang barko na stranded na ng halos tatlong buwan sa katubigan ng Iloilo Strait.

Nakipag-ugnayan ang DMW sa Philippine Coast Guard (PCG) at sa local government ng Iloilo pang masagip ang mga seafarer na lulan ng barkong MV Hirman Star na na-stranded sa lugar dahil sa isyu ng seaworthiness at unpaid wages ng mga crew.

Ayon kay Migrant Secretary Hans Leo J. Cacdac iniutos ni Pangulong Ferdinand Marcos Jr. na tiyaking maibibigay ang sahod na dapat matanggap ng mga Pinoy seafarers.

Ang anim (6) na Filipino seafarers ay pinagkalooban ng DMW ng P50,000 mula sa AKSYON Fund ng ahensya at dagdag na P50,000 mula sa OWWA.

Ang pitong (7) Indian crew naman ay nagpasyang manatili sa barko subalit binigyan sila ng DMW ng suplay ng pagkain at iba pang mahalagang pangangailangan. (DDC)