45 pang OFWs mula Israel uuwi sa bansa ngayong linggo ayon sa DMW

Patuloy ang paghahatid ng tulong ng Department of Migrant Workers (DMW) sa mga Overseas Filipino Workers sa Israel sa kabila ng paghupa ng tensyon doon at pagbaba ng alerto sa Alert Level 2.

Ayon kay Migrant Workers Secretary Hans Leo J. Cacdac, patuloy din ang mga hakbang ng Migrant Workers Office at Philippine Embassy sa Tel Aviv para maiproseso ang pag-uwi sa bansa ng mga apektadong Pinoy.

Ayon sa DMW, umabot na sa 294 na Pinoy ang napagkalooban ng food packs at hygiene kitshabang 188 na OFWs sa Israel ang nabigyan ng financial assistance na nagkakahalaga ng 200 US Dollars sa pamamagitan ng DMW AKSYON Fund.

Ngayong linggo, mayroon pang 45 na OFWs mula Israel ang uuwi sa bansa matapos mag-avail ng voluntary repatriation program ng pamahalaan. (DDC)