Mga opisyal ng Makati City Fire Station sinibak sa serbisyo; kanilang sasakyan nadatnan ni DILG Sec. Remulla na nakaharang sa daanan ng fire trucks
Sinibak ni Department of the Interior and Local Government (DILG) Secretary Jonvic Remulla ang mga opisyal ng Makati City Fire Station makaraang madatnan ng kalihim ang kanilang mga pribadong sasakyan na nakaharang sa daanan ng fire truck bay.
Ayon kay Remulla ang anumang obstruction o nakaaalaba sa mga fire truck ay malinaw na paglabag sa Fire Code.
Sa isinagawang surprise inspection ni Remulla sa nasabing fire station, nakita mismo ng kalihim ang mga pag-aaring sasakyan ng mga fire official na nakahambalang sa ingress at egress ng fire trucks at sa mga emergency response ambulance.
Sinabi ni Remulla na ang ganitong uri ng obstruction sa mga truck ng bumbero at sa ambulansya ay magdudulot ng pagkaantala kapag may sunog na kailangang respondehan. (DDC)
