Philippine National Swimming Team nag-uwi ng mga medalya sa katatapos na 47th Southeast Asian Age Group Aquatics Championships na ginanap sa Singapore
Naging matagumpay ang Philippine National Swimming Team sa katatapos na 47th Southeast Asian Age Group Aquatics Championships sa WCH Arena, Singapore Sports Hub.
Nag-uwi ang mga Filipino swimmer ng isang (1) gintong medalya, dalawang (2) silver medals at dalawang (2) bronze medals.
Si Albert Jose Amaro II ang nag-kampeon sa 50-meter Butterfly event. Nakakuha din siya ng silver medal sa 100-meter Freestyle event at bronze sa 100-meter Butterfly event.
Habang si Sophia Gara naman ay nagwagi ng silver medal sa 200-meter Backstroke Girls 13 & Under at bronze medal sa 200-meter Individual Medley Girls 13 & Under.
Ang iba pang swimmer na pambato ng Pilipinas ay nagtapos sa 4th, 5th, 6th at 9th place sa iba’t ibang mga kategorya. (DDC)
