HVI huli sa Taguig buy-bust, higit P174K na halaga ng ‘shabu’ nakumpiska

Isang bagong natukoy na High-Value Individual (HVI) ang nadakip ng mga tauhan ng Taguig City Police at nakumpiska ang hinihinalang shabu nannagkakahalaga ng

₱174,352.00 sa kasagsagan ng buy-bust operation sa bahay ng suspek sa Purok 7, PNR Site, FTI Compound, Barangay Western Bicutan sa nasabing lungsod.

Sa ikinasang operasyon ng mga operatiba ng Station Drug Enforcement Unit (SDEU) sa pangunguna ni Taguig CPS Officer-in-Charge, Col. Byron F. Allatog sa koordinasyon ng Philippine Drug Enforcement Agency (PDEA), na bahagi ng nagpapatuloy na mga hakbang ng Southern Police District kontra ilegal na droga ay matagumpay na naaresto ang susek na si alyas “Alden”, 32-anyos.

Nakuha umano ng otoridad mula sa suspek ang tinatayang 25.64 na gramo ng Methamphetamine hydrochloride o shabu, buy-bust money,at pouch.

Nasa kustodiya ng Taguug CPS ang suspek na sasampahan ng kasong paglabag sa Comprehensive Dangerous Drugs Act of 2002.

Pinuri naman ni SPD Acting District Director, BGen Randy Y. Arceo ang paninindigan at koordinasyon ng mga operatiba.

“This successful operation is a product of intensified intelligence-driven policing and close collaboration with our partner agencies. The arrest of this high-value suspect underscores our firm resolve to dismantle drug networks operating within our jurisdiction,” pahayag ni BGen Arceo.

Binalaan din ng SPD chief ang mga sangkot sa lantarang bentahan ng ilegal na droga na kanilang aarestuhin at papanagutin.

“To all those involved in the illegal drug trade, we will pursue you, arrest you, and make you accountable. Under the guidance of our Chief PNP, Police General Nicolas D. Torre III, we are committed to swift and responsive public service, promoting unity within the ranks, and ensuring accountability and modernization in all our operations,” binigyang-diin ni BGen Arceo. (Bhelle Gamboa)