Weigh-in sa mga pulis sa Rizal, inumpisahan na

Sinimulan na ang weigh-in sa mga overweight na pulis sa Rizal Police Provincial Office.

Kasunod ito ng direktiba at programa ni Philippine National Police (PNP) chief, PGEN Nicolas D. Torre III na layong mabawasan ang timbang ng mga overweight na pulis.

Isinagawa ng Rizal PPO ang weigh-in para sa kanilang mga tauhan na kabilang sa mga kategoryang Obese 1, 2, at 3.

Pinangunahan ng Provincial Medical and Dental Team (PMDT) ang aktibidad.

Layunin nitong masubaybayan at mamonitor nang maayos ang proseso ng tamang pagbabawas ng timbang ng mga pulis upang higit nilang magampanan nang epektibo ang kanilang tungkulin sa paglilingkod sa bayan. (DDC)