Anti-Vape at Anti-Tobacco Council itinatag ng DOH sa paaralan sa Pasig

Inilunsad ng Department of Health (DOH) ang health literacy campaign sa Eusebio High School sa Pasig City kung saan itinatag ang kauna-unahang anti-vape at anti-tobacco council na binubuo ng mga mag-aaral.

Layunin ng council na paigtingin at isulong ang tamang impormasyon tungkol sa panganib ng paggamit ng tobacco at vape.

Aminado ang mga student leaders ng Eusebio Highschool na may kilala silang mga kaibigan at ka-edad na naninigarilyo na at ang iba ay gumagamit ng vape.

Sa temang “’Wag Magpaloko sa Vape at Sigarilyo!”, layon ng DOH na gawing vape at tobacco-free ang mga paaralan sa PIilipinas sa pamamagitan ng tuluy-tuloy na kampanya kasama ang iba’t ibang ahensya ng gobyerno, civil societies, at kabataan sa mga paaralan. (DDC)