Panukalang P50,000 na minimum na sweldo para sa public school teachers inihain sa Kamara

Muling inihain sa Kamara ang panukalang batas na layong itaas ang minimum na sweldo ng public school teachers sa P50,000.

Ang House Bill 203 ay inihain ng Makabayan bloc lawmakers sa pangunguna ni ACT Teachers party-list Rep. Antonio Tinio na layong itaas ang minimum monthly salary ng mga guro mula sa kasalukuyang P27,000 patungo sa P50,000 na katumbas ng salary grade 15 sa ilalim ng Salary Standardization Law.

Sa ilalim ng panukala, nakasaad na kailangang itaas ang sweldo ng mga guro para makasabay sa kanilang “cost of living” at para maiayos din ang distortion matapos maipatupad ang dinobleng entry-level pay sa mga sundalo at pulis.

Kapag nasaibatas ang Department of Education, Commission on Higher Education, at ang Department of Budget and Management ay aatasang magsagawa ng konsultasyon sa public school teachers’ unions and organizations para makapagpalabas ng rules and regulations.

Noong nakaraang 19th Congress ay inihain na din ng ACT Teachers ang parehong panukalang batas gayunman, hindi na ito naipasa ng Kamara. (DDC)