Comelec naglabas ng Certificate of Finality para sa proklamasyon ni Marcy Teodoro sa unang distrito ng Marikina
Naglabas ng Certificate of Finality ang Commission on Elections (Comelec) en banc para sa proklamasyon ni Marcy Teodoro bilang nanalong kongresista sa unang distrito ng Marikina City.
Sa dokumento mula sa Comelec en banc na may petsang July 1, 2025 nag-isyu ng Certificate of Finality sa resolusyon en banc na inilabas noong June 25, 2025 kung saan binabawi na ang suspensyon sa proklamasyon ni Teodoro.
Sinabi ng Comelec na ang utos para maiproklama na si Teodoro ay “immediately executory”.
Kasunod ito ng hindi pagpapalabas ng Temporary Restraining Order ng Korte Suprema sa usapin.
Una nang pinaburan ng en banc ang motion for reconsideration ni Teodoro at isinantabi ang pasya First Division na nagkakansela sa kaniyang Certificate of Candidacy. (DDC)
