P200 Legislated Wage Hike muling inihain ng TUCP sa Kamara

Muling inihain ng Trade Union Congress of the Philippines (TUCP) Party-list ang P200 Legislated Wage Hike.

Sa unang araw sa Kamara, inihain ng TUCP ang House Bill No. 88 na kauna-unahang panukalang batas ng naturang party-list group para sa 20th Congress.

Ayon sa TUCP, tugon ito sa matagal nang panawagan ng mga manggagawa Lalo na ng mahigit limang milyong minimum wage earners.

Una nang inihain ang panukalang P200 na dagdag-sahod sa 19th Congress na naipasa naman sa ikatlo at huling pagbasa.

Gayunman, bigo nang mag-convene ang bicameral conference committee ng Senado at Kamara kaya hindi tuluyang naipasa ang batas. (DDC)