Alert Level sa Israel ibinaba na ng DFA sa Level 2 o Restriction Phase

Ibinaba na ng Department of Foreign Affairs (DFA) ang umiiral na Alert Level sa Israel.

Mula sa Alert Level 3 o Voluntary Repatriation ay ibinaba na ito sa Alert Level 2 o Restriction Phase.

Epektibo ang kautusan sa lalong madaling panahon.

Ayon sa DFA, ang pagbaba ng alerto ay bunsod ng mga positibong kaganapan sa security situation sa Israel sa nakalipas na mga araw.

Tiniyak naman ng ahensya na patuloy na babantayan ang sitwasyon sa rehiyon. (DDC)