Bawal ang Mataray sa mga Ospital” policy sa Laguna balak ipatupad sa lahat ng DOH Hospitals

Suportado ni Department of Health (DOH) Sec. Ted Herbosa ang “Bawal ang Mataray sa mga Ospital” policy ni Laguna Gov. Sol Aragones.

Ang nasabing kautusan ng unang Executive Order na nilagdaan ni Aragones sa kaniyang pormal na panunungkulan bilang gobernador ng lalawigan.

Ayon kay Herbosa, plano niyang ipatupad din ito sa mga DOH hospital.

Sa ilalim ng EO ni Aragones, bubuo ng monitoring team para bantayan ang mga health worker na magtataray sa mga pasyente.

Sakop ng kautusan ang mga doktor, mga nurse, health workers, at lahat ng staff sa provincial hospitals, district hospitals, health centers, rural health units, at iba pang health-related offices sa Laguna. (DDC)