DOH pinipilit pa ring makamit ang zero deaths sa sakit na dengue

Nananatiling mababa ang fatality rate ng dengue sa bansa na nasa 0.4 percent o 4 sa bawat 1,000 kaso ayon sa Department of Health (DOH).

Sinabi ni DOH Spokesperson Albert Domingo, patuloy ang hakbang ng kagawaran para makamit ang zero deaths sa dengue.

Sa datos ng DOH, mula Enero hanggang Marso ngyong taon ay nakapagtala na ng mahigit 62,300 na kaso ng dengue sa bansa.

Mas mataas ito ng 73 percent kumpara sa parehong petsa noong nakaraang taon.

Ang Region 4-A ang nakapagtala ng may pinakamaraming kaso ng sakit, kasunod ang NCR at Central Luzon. (DDC)