Dating VP Leni Robredo nanungkulan na bilang mayor ng Naga City

Pormal nang nagsimula sa kaniyang panunungkulan bilang mayor ng Naga City si dating Vice President Leni Robredo.

Ayon kay Robredo, kabilang sa kaniyang uunahin ay ang pagsugpo sa korapsyon sa lungsod kabilang ang pagtanggal sa confidential fund.

Titiyakin niya ng kaniyang administrasyon na ang pondo ng gobyerno ay gagastahin lamang sa mahahalaga at kapaki-pakinabang na ga programa.

Dalawang Executive Order din ang agad lalagdaan ni Robredo kaugnay sa pagpapatupad ng ‘zero tolerance’ sa korapsyon sa lungsod at ang mass regularization program sa mahigit 100 na casual employees ng City Hall na mahigit 10-taon na sa serbisyo.

Si Robredo ang kauna-unahang babaeng alkalde sa Naga City. (DDC)