Kabataan walang interes sa pagsasaka; Pang. Marcos aminadong kulang ang agricultural policy sa bansa

Aminado si Pangulong Ferdinand Marcos Jr. na kulang ang agricultural policy ng Pilipinas.

Sa kaniyang pagdalo ng pangulo sa 50th Gawad Saka sa Muñoz, Nueva Ecija sinabi ng pangulo na ito marahil ang dahilan kaya hindi interesado ang mga bagong henerasyon sa pagsasaka.

Sa tingin kasi aniya ng mga kabataan ay walang magandang kinabukasan sa sektor ng agrikultura.

Ayon sa pangulo panahon naaniya para pagtuunan ng pansin ang pagkakaroon ng modernong teknolohiya sa pagsasaka para sa ikagaganda ng ani.

Kung ang mga kabataan ay mahihikayat na pasukin ang larangan ng pagsasaka, sinabi ng pangulo na sila mismo ang magtuturo ng mga makabagong teknolohiya sa mga matatandang magsasaka. (DDC)