P1,000 na social pension para lamang sa mga indigent na senior citizen ayon sa DSWD

Iginiit ng Department of Social Welfare and Development (DSWD) na ang P1,000 buwanang pension ay para lamang sa mga indigent na senior citizen.

Ayon kay Assistant Secretary Ada Colico ng DSWD Protective Programs, sa ilalim ng Social Pension for Indigent Senior Citizens Program o SocPen ay para sa mahhirap na senior citizen, kabilang ang mga nakatatandang may sakit, mahina, o may kapansanan at walang natatanggap na anumang pension o tulong mula sa kapamilya.

Sa datos ng DSWD, sa ngayon ay mayroong mahigit apat na milyon na kwalipikadong “indigent” senior citizens ang sakop ng programa.

Sinabi ni Colico na hindi dapat basta-basta paniwalaan ng publiko ang mga post sa social media na nagsasabing lahat ng Filipino seniors – mahirap man o mayaman ay makatatanggap ng social pension mula sa ahensya. (DDC)