2025 Elected opisyal ng Las Piñas City, nanumpa na; 1st Lady Marcos, dumalo

Pormal nang nanumpa ang mga bagong halal na opisyal ng Las Piñas City, matapos ginanap ang oath-taking ceremony sa City Hall ng nasabing lungsod, Biyernes, Hunyo 27, 2025.

Special na panauhin sa nasabing aktibidad si First Lady Atty. Liza Araneta-Marcos.

Nanumpa sa kani-kanilang tungkulin sina City Mayor April Aguilar; Vice-Mayor Imelda T. Aguilar; at Congressman Mark Anthony Santos ng lone district ng Las Piñas.

Kasama rin sa mga nanumpa ang mga miyembro ng Sangguniang Panlungsod mula sa District 1 at District 2 kabilang ang nangunang Konsehal ng Las Piñas City na si Councilor Alelee Aguilar Andanar.

Si Judge Mildred Jacinto Marquez, First Vice Executive Judge ng Regional Trial Court, Branch 2-FC Las Piñas City ang nangasiwa sa nasabing oath-taking.

Sa talumpati ni Mayor April Aguilar inihayag nito ang kanyang taos-pusong pasasalamat sa tiwala ng Las Pin̈eros at nangakong magseserbisyo ng transparent at may malasakit.

“This new chapter is not only about continuing what we’ve started. It is about strengthening our foundation and pushing even further toward a city that provides quality health care, accessible and free education, livelihood and employment programs, safe communities, and lasting opportunities for every Las Piñero,” pahayag ni Mayor Aguilar.

Bilang suporta sa patuloy na progreso ng lungsod, tinurn-over ng Philippine Charity Sweepstakes Office (PCSO) ang isang Patient Transport Vehicle (PTV) at ng pitong Starlink kits na ipamamahagi sa mga pampublikong eskwelahan upang mapagbuti ang parehong emergency response at internet connectivity.

Ayon sa bagong halal na alkalde ginagabayan ng mga taon ng karanasan at pangakong kapakanan ng mga Las Pin̈ero.

“Sa bagong administrasyon ay makikita sa lungsod na accessible ang mga mahahalagang serbisyo na sumisiguro sa mas magandang kinabukasan ng bawat pamilya sa Las Pin̈as” giit ni Las Piñas City Mayor April Aguilar. (NOEL TALACAY)