Lisensya ng TNVS driver na inakusahan ng rape ng kaniyang pasahero, sinuspinde ng LTO

Sinuspinde ng Land Transportation Office (LTO) ang lisensya ng isang TNVS driver na inakusahan ng panggagahasa sa kaniyang pasahero.

Ayon kay LTO Chief, Assistant Secretary Atty. Vigor D. Mendoza II, iniutos ni Department of Transportation (DOTr) Secretary Vince Dizon na tiyaking mapaparusahan ang nasabing driver kung may sapat at matibay na ebidensya laban sa kaniya.

Sinabi ni Mendoza na bilang bahagi ng proseso, iisyuhan ng show cause order ang driber para pagpaliwanagin.

Sa ngayon ay pinatawan na ng preventive suspension ang kaniyang driver’s license sa loob ng 90-araw.

Hawak na ngayon ng pulisya ang nasabing driver at nahaharap na sa kasong kriminal. (DDC)