Presyo ng pangunahing bilihin nananatiling stable ayon sa DTI

Tiniyak ng Department of Trade and Industry (DTI) na nananatiling stable ang presyo ng pangunahing bilihin sa kabila ng international geopolitical tensions.

Tiniyak ng DTI sa publiko na sapat din ang suplay ng basic goods at patuloy ang kanilang pakikipag-ugnayan sa mga manufacturer para masigurong mananatiling abot-kaya ang presyo ng bilihin.

Ayon kay Trade Secretary Cristina Roque, batid ng ahensya na kahit barya-baryang dagdag lang sa presyo ng bilihin ay malaking pasanin na sa bawat pamilya.

Kaya naman base na rin sa utos ni Pangulong Ferdinand Marcos Jr. mas pinaigting ng DTI ang monitoring efforts nito sa mga ibinebentang produkto sa merkado.

Patuloy din ang pakikipagtulugan ng DTI sa local government units iba pang ahensya ng gobyerno para maipatupad ang price stabilization measures nito.

Maaaring makita ng publiko sa website ng DTI ang latest Suggested Retail Price (SRP) Bulletin na magsisilbi nilang gabay sa presyuhan ng mga pangunahing bilihin. (DDC)