Drug suspect timbog sa Taguig buy-bust; P180K na halaga ng ‘shabu’ nakumpiska
Napasakamay ng mga operatiba ng Taguig City Police ang bagong natukoy na street-level drug suspect at nakumpiska ang hinihinalang shabu n nagkakahalaga ng ₱180,880.00 sa ikinasang buy-bust operation sa Barangay New Lower Bicutan sa nasabing lungsod.
Ang mga tauhan ng Station Drug Enforcement Unit (SDEU) sa ilalim ng operasyunal na superbisyon ni Taguig CPS OIC, Col. Byron F. Allatog ang nagsagawa ng operasyon na nagresulta ng pagkaaresto ng suspek na si alyas “Khaterine,” 41-anyos,isang Street-Level Individual (SLI) ng drug watchlist ng pulisya.
Narekober ang tinatayang 26.6 na gramo ng umano’y shabu, marked money, at coin purse na agad dinala sa Southern Police District Forensic Unit upang suriin.
Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa suspek sa Taguig City Prosecutor’s Office.
Pinuri ni SPD Acting District Director BGen Randy Y. Arceo, ang maagap na aksyon ng Taguig CPS at muling tiniyak ng SPD ang malakas na paninindigan laban sa ilegal na droga.
“Our operations are deliberate, lawful, and grounded in respect for human rights. We will not allow street-level drug peddlers to endanger our communities,” sabi ni BGen Arceo.
Ang Southern Police District aypatuloy s pagpapatupad ng kanyang mga hakbang kontra ilegal na droga na pangkalahatang nakahanay sa direktiba ni Philippine National Police Chief, PGen Nicolas D. Torre III, upang tugusin ang mga drug personalities ng lahat ng level upang mapanatili ang mga operasyon na layong lumikha ng mas ligtas, drug-free na mga komunidad at isulong ang kumpiyansa ng publiko sa mga pananagutang polisiya. (Bhelle Gamboa)
