MMDA muling naghakot ng tambak na basura sa Maynila

Patuloy ang ginagawang paghahakot ng mga tauhan ng Metropolitan Manila Development Authority (MMDA) sa sandamakmak na basura na nagkalat sa lansangan ng Maynila.

Partikular na tinungo ng mga tauhan ng MMDA araw ng Huwebes, June 26 ang bahagi ng Dagupan Street sa Tondo at Jose Abad Santos.

Ayon sa MMDA, ang mga basurang ito ay maaaring mapunta at bumara sa mga daluyang tubig na maaaring maging sanhi ng pagbaha sa Metro Manila.

Paalala ng MMDA sa publiko maging responsableng tagapangalaga ng kalikasan sa pamamagitan ng pagtatapon ng basura sa tamang lugar.

Bukod sa Maynila, nakatutok din ang ang MMA pagsasagawa ng mga cleaning operations sa iba’t ibang lugar ng NCR. (DDC)