Husay at sipag ng mga Pinoy seafarer kinilala ng DFA sa paggunita ng Filipino Seafarer’s Day

Kinilala ng Department of Foreign Affairs (DFA) ang magigiting na Filipino Seafarers sa iba’t bang panig ng mundo.

Sa paggunita ng Filipino Seafarer’s Day, sinabi ng DFA na ang mga Pinoy seafarer ay karapat-dapat bigyang pagpupuhay sa kanilang pagsusumikap at propesyonalismo sa kani-kanilang larangan.

Kabilang dito ang mga nagtatrabaho barko na nagtitiyak na tuloy-tuloy ng pagbiyahe at pagkakaloob ng pagkain, fuel products, gamot at iba pang mga produkto.

Ayon sa DFA, ang Pilipinas ay nananatiling leading source ng seafarers sa mundo.

Sa paggunita ng Filipino Seafarer’s Day, sinabi ng DFA na isinusulong ng pamahalaan ang pagtitiyak na mayroong “culture of respect” sa mga barkong pinagtatrabahuhan.

Gayundin ang zero tolerance sa bullying at harassment sa barko.

Ayon sa DFA patuloy ang pakikipagtulungan ng pamahalaan para masiguro na ligtas at maayos ang living conditions ng lahat ng Pinoy seafarers. (DDC)