Konstruksyon ng Marawi General Hospital pinatatapos ni Pangulong Marcos sa buwan ng Agosto
Nais ni Pangulong Ferdinand Marcos Jr. na mabuksan na sa publiko sa buwan ng Agosto ang Marawi General Hospital.
Ayon kay Marcos, binigyan ang mga contractor at lahat ng ahensya ng gobyerno ng deadline hanggang sa Agosto para mabuksan na ang ginagawang ospital at mapakinabangan na ng taumbayan.
Ang ospital ay mayoong 100-bed capacity at bagaman mayroong suplay ng kuryente ay mangangailangan ito ng standby generator sets para magtuluy-tuloy ang operasyon.
Noong 2024 ay iniutos ni Pangulong Marcos ang paglikha sa Office of the Presidential Adviser for Marawi Rehabilitation and Development (OPAMRD) para matiyak ang mabilis na rehabilitasyon sa Marawi City. (DDC)
