P16.3M na halaga ng ilegal na droga natuklasan sa loob ng mga abandonagong parcel sa Pasay City

Aabot sa mahigit P16.3 million na halaga ng ilegal na droga ang natuklasan ng Bureau of Customs (BOC)-Ninoy Aquino International Airport (NAIA) sa mga abandonadong sa Central Mail Exchange Center (CMEC).

Sa pangunguna ng NAIA Inter-Agency Drug Interdiction Task Group (NAIA-IADITG) katuwang ang Philippine Drug Enforcement Agency (PDEA) ang operasyon ay nagresulta sa pagkakakumpiska sa 3,025 na gramo ng Ketamine na nagkakahalaga ng P15,125,000 at 858 na gramo ng high-grade Marijuana o Kush na nagkakahalaga naman ng P1,201,200.

Ang isang parcel ay galing sa United States na may lamang 240 grams ng Kush, ang isa pa ay galing naman ng Thailand na mayroong lamang 618 grams ng Kush, habang ang ikatlong parcel ay galing Poland na may lamang
Ketamine at itinago sa loob ng isang coffee maker.

Isinailalim ang mga parcel sa x-ray scanning at doon nakita ang kahina-hinalang laman ng mga ito.

Ang mga parcel ay dinala sa PDEA para sa proper disposition, laboratory examination, at case building laban sa mga nasa likod ng pag-aangkat nito sa bansa. (DDC)