BGen Randy Arceo bagong SPD chief

Opisyal nang umupo bilang bagong Southern Police District (SPD) District Director si Brigadier General Randy Y. Arceo sa ginanap na turn-over of office ceremony sa SPD Headquarters, Lawton Avenue, Fort Bonifacio sa Taguig City.

Pormal na isinalin ni BGen Joseph R. Arguelles ang liderato ng SPD kay BGen Arceo upang kunin naman ang bago niyang tungkulin bilang Acting Regional Director ng Police Regional Office 11.

Ang seremonya ay pinangasiwaan mismo ni MGen Anthony A. Aberin, Regional Director ng National Capital Region Police Office (NCRPO) at dinaluhan ng SPD Command Group, District Staffs, Chiefs of Police mula sa MaTaPatPaMuLaPa, at mga opisyal ng PNPA Class 1994 “Sandigan.”

Taos-pusong pinasalamatan ni BGen Arguelles sa mga tauhan ng SPD at binigyang-diin ang bahaging mga tagumpay at tulung-tulong na mga hakbang na nagmarka sa kanyang liderato.

Iprinisinta naman ni BGen Arceo ang kanyang istratehikong direksiyon para sa District na kinabibilangan ng heightened police visibility, community-centered law enforcement, at swift operational response para sa mga sama-samang hamon sa seguridad.binigyang-importansiya nito ang ginagampanang papel ng transparent at integridad na mga polisiya para palakasin ang tiwala at kaligtasan ng publiko.

Sinabi pa ng bagong SPD Chief na nakahanay ito sa programang itinataguyod ni PNP Chief, General Nicolas D. Torre III, kaya mahalagang alagaan ang angkop, disiplinado, at handa sa misyon ng puwersa ng pulisya na nakasandig sa napakahusay na operasyunal at proactive community relations.

Ang bagong liderato ay magsisilbing lakas para sa reporma, inobasyon at pakikipag-ugnayan sa publiko. Sa ilalim ng pamamahala ni BGen Arceo, mananatili ang SPD sa pangako nitong pinuprotektahan, sineserbisyuhan, at pinapasigla ang mga komunidad sa katimugang Metro Manila. (Bhelle Gamboa)