HVI huli sa Parañaque buy-bust; ₱544K na halaga ng ‘shabu’ nakumpiska

Naaresto ng mga operatiba ng Parañaque City Police Station ang isang high-value individual (HVI) at nakumpiska ang hinihinalang shabu na nagkakahalaga ng ₱544,000.00 sa kasagsagan ng buy-bust operation sa Barangay San Isidro sa lungsod.

Kinilala ang suspek na si alyas “Jose”, 21-anyos, isang HVI sa listahan ng drug watchlist ng pulisya.

Ang operasyon ay ikinasa ng mga tauhan ng Station Drug Enforcement Unit (SDEU) sa superbisyon ni Col. Orlando Mirando Jr. hepe ng Parañaque CPS at sa ilalim naman nang pamamahala ni BGen Randy Y. Arceo, Acting District Director ng Southern Police District, na nagresulta ng pagkaaresto ng suspek at nakumpiska ang 80 na gramo ng umano’y ilegal na droga, buy-bust money, backpack at cellphone.

Kasalukuyang nasa kustodiya ng pulisya ang suspek habang inihahanda ng otoridad ang pagsasampa sa kanya ng kasong paglabag sa Comprehensive Dangerous Drugs Act of 2002 sa Parañaque City Prosecutor’s Office.

Dinala nanan ang narekober na ebidensiya sa SPD Forensic Unit para suriin.

Nanindigan ang SPD sa hindi matatawaran nitong pangako para sa kampanya kontra ilegal na droga na nakahanay sa Triple A Policing Framework Able, Active, and Allied na adbokasiya ni NCRPO Regional Director MGen Anthony A. Aberin at sa patnubay ni PNP Chief PGEN Nicolas D. Torre III sa napakahalagang hakbang ng mabilis na serbisyo, pagkakaisa, at modernisasyon sa kanilang hanay. (Bhelle Gamboa)