50 percent discount ipinatupad para sa mga estudyante sasakay ng MRT at LRT

Simula araw ng BIyernes, June 20 mayroong 50 percent na diskwento ang mga mag-aaral na sasakay sa MRT at LRT.

Ayon sa Department of Transportation (DOTr) sa halip na regular discount na 20 percent para sa mga estudyante ay itinaas ito sa 50% para sa mga sasakay sa LRT-1, LRT-2 at MRT-3.

Kasunod ito ng utos ni Pangulong Ferdinand Marcos Jr. na pagaanin ang buhay ng mga estudyante, sa pamamagitan ng mas murang pamasahe.

Ang 50% student discount ay aplikable rin sa mga estudyanteng naka-enroll sa postgraduate studies at magagamit sa train lines araw-araw, kahit Sabado, Linggo o holiday.

Valid ang diskwento para sa single journey tickets.

Bibilhin ang ticket sa ticket counter para maka-avail ng diskwento.

Kailangan lamang ipakita ang kanilang school ID na nagpapakita ng kasalukuyang school year. (DDC)