Paglaganap ng mga online content na nanlalait sa ga taong may kapansanan, kinondena ng NCDA

Kinondena ng National Council on Disability Affairs (NCDA) ang paglaganap ng online content na tahasang nanlalait o ginagawang katatawanan ang mga taong may kapansanan.

Ayon sa NCDA, ang ganitong gawain ay hindi lamang immoral kundi labag din sa batas.

Sa ilalim ng RA 9442 na inamyendahan sa ilalim ng RA 7277 o Magna Carta for Persons with Disability, mahigpit na ipinagbabawal ang anumang uri ng panlilibak, diskriminasyon, o paninira sa mga may kapansanan.

Umapela ang NCDA sa publiko na huwag tangkilikin ang mga ganitong uri ng content, huwag itong panoorin at huwag ibahagi.

Ang mga page na mayroong ganitong uri ng content ay dapat ding i-report sa kategoryang “hate speech” o “bullying and harassment”. (DDC)