Bangkay ng lalaki natagpuang palutang-lutang sa katubigan ng Davao City

Na-recover ng mga tauhan ng Coast Guard District Southeastern Mindanao responded ang bangkay ng isang lalaki sa katubigan sa bahagi ng Kudos Port, KM12, Davao City.

Kinilala ang nasawi na si Rome Vasques, 32-anyos na residente ng Cuyo, Palawan at nagtatrabaho bilang oiler sa Motorized Tugboat na Talofofo.

Ayon sa nakakitang crane operator, namataan niya pa si Vasquez na humihingi ng tulong at sinubukang sagipin ng kaniyang mga kasamahan.

Gayunman, dahil sa sama ng panahon ay malakas ang alon ng tubig kaya tinangay papalayo si Vasquez hanggang sa ito ay malunod.

Naiturnover ang mga labi ni Vasquez sa may-ari ng pinagtatrabahuhan niyang barko.

Inaalam pa kung ano ang dahilan ng kaniyang pagkahulog sa tubig. (DDC)