Russian vlogger na si Vitaly Zdorovetskiy nailipat na sa kostodiya ng BJMP

Nailipat na sa kostodiya ng Bureau of Jail Management and Penology (BJMP) ang Russian national at kotrobersyal na YouTuber na Vitaly Zdorovetskiy.

Ayon kay BI Commissioner Joel Anthony Viado ang dayuhang vlogger ay nahaharap sa iba’t ibang local cases sa bansa.

Mananatili sa kostodiya ng BJMP ang vlogger habang nakabinbin ang kaniyang mga kaso bago iproseso.

Sa sandalling matapos ang resolusyon sa kinakaharap niyang mga kaso ay ibabalik siya sa kostodiya ng BI para naman sa deportation.
Inaresto ang Russian content creator bunsod ng kaniyang offensive prank videos at problematic behavior habang siya ay nananatili sa bansa.

Kabilang dito ang pangha-harass niya sa isang security guard sa Bonifacio Global City sa Taguig na nag-viral sa social media. (DDC)