194,000 Taguig public students tumanggap ng free school packages

Nasa kabuuang 194,000 na public school learners sa Taguig City ang nakatanggap ng libreng school supplies, uniforms, at shoes para sa school year 2025-2026 matapos simulan ng Pamahalaang Lungsod sa ginanap na seremonya ng pagbubukas ng klase kahapon.

Isinagawa ang Soft Opening of Classes upang tulungan ang mga estudyante, magulang at guro n maghanda para sa bagong taon ng panuruan sa pamamagitan ng orientations at school policy briefings bago magsimula ang regular na klase sa araw ng Lunes, Hunyo 16.

Namahagi ang Taguig City Government ng libreng mga libro (books), school supplies, uniforms, at sapatos sa lahat ng mga mag-aaaral sa pampublikong eskwelahan sa lungsod.

Binisita ni Mayor Lani Cayetano ang Taguig Science High School kung saan nakausap nito ang mga incoming Grade 7 students at nangakong gagawin ang lahat sa abot ng kanyang makakaya para sa susunod na henerasyon dahil naniniwala siya sa mga potensiyal ng mga bata.

“Ang gusto ko ay makita ng susunod na henerasyon na ibinibigay natin ang lahat ng makakaya natin para sa kanila, dahil naniniwala tayo sa kanilang kakayahan. We owe it to the next generation to do our very best so they may feel supported and loved. Makakaasa po kayong dito sa Taguig—sa ilalim ng ating Transformative, Lively, and Caring agenda—palaging bibigyang-prayoridad ang edukasyon.”

Bukod dito, pinuntahan din ng alkalde ang Ususan Elementary School at Fort Bonifacio National High School.

Ang mga estudyante ay binigyan ng orientation patungkol sa school health programs at mga polisiya ng paaralan kasama na ang kabuuang paksa ng disaster risk reduction kabilang ang apat na mahahalagang hakbang na disaster prevention and mitigation, preparedness, response, at rehabilitation and recovery na layuning matutuhan ng mga estudyante ang kaalaman at kamalayang manatiling ligtas at matatag sa panahon ng emergency. (Bhelle Gamboa)