Website kung saan maaaring i-check ang paglabag sa NCAP, inilunsad ng MMDA
Inilunsad na ng Metropolitan Manila Development Authority (MMDA) ang website kung saan maaaring i-check ng mga motorista kung mayroon silang paglabag sa No Contact Apprehension Policy (NCAP).
Sa pamamagitan ng website na https://www.mayhulika.mmda.gov.ph/ maaaring i-check ng motorista kung sila ay mayroong traffic violation.
Maaaring ma-access ang “May Huli Ka” website sa pamamagitan ng gadgets gaya g cell phone, laptop, tablet, o computer.
Ayon kay MMDA Chairman Atty. Don Artes na ang “May Huli Ka 2.0” ay web-based platform na nagbibigay-daan sa mga may-ari ng sasakyan na kumbinyenteng malaman ang mga traffic violations sa pamamagitan ng paglalagay ng kanilang plate o conduction sticker number at ng motor vehicle (MV) file number.
“The inclusion of the MV file number is an added security and protection so that only the vehicle owners can securely check their violations under NCAP,” sabi ni Artes sa kasagsagan ng paglulunsad na ginanap sa MMDA Communications and Command Center, MMDA Head Office sa Pasig City.
Bago aniya maberipika ng may-ari ng sasakyan ang kanilang mga paglabag ay simpleng ilagay lamang ang kanilang plate numbers sa dating website kung saan naidudulog ng system na ito ang data privacy concerns, para sa mas seguridad at authenticated access.
Naglalaman ang website ng mga hakbang na gagawin kung mayroong paglabag, ang proseso ng pagbabayad kung saan ang mga multa ay pwedeng maayos, at kung paano ito ilaban o iapela ang panghuhuli.
Para sa lalong kumbinyente at mahusay na na paggamit nito ilang pagpapaganda at karagdagang features ang planong isagawa sa hinaharap kabilanv ang access sa detalyadong impormasyon ng paglabag, larawan at video evidence, petsa at oras, uri ng paglabag, kaukulang multa at settlement locations sa pamamagitan ng platform; real-time SMS at email notifications sa paglikha ng account para sa bagong violations recorded; at abilidad ng mga gumagamit na may maraming sasakyan o fleets upang magpatala ng lahat bg kanilang rehistradong yunit sa ilalim ng isa o single account; online contest process and hearing schedules; at online payment integration.
Maglulunsad din ang MMDA ng real-time notification system kasama ang SMS at email alerts maging ang online access sa detalyadong paglabag.
Dunalo sa kaganapan si Philippine National Police (PNP) chief General Nicolas Torre III, mga leaders at kinatawan mula sa transport groups, motorcycle ride-hailing firms, at transport network vehicle services. (Bhelle Gamboa, DDC)
