Opisyal ng LTO sa Baguio sinibak sa puwesto dahil sa pagmamaneho ng lasing

Sinibak sa serbisyo ang pinuno ng Land Transportation Office (LTO) Baguio City License Renewal Office na si Chief Engr. Edilberto Bungaoen.

Inanunsyo ito mi Department of Transportation (DOTr) Secretary Vince Dizon.

Ayon kay Dizon, nahuli si Bungaoen ng mga tauhan ng Baguio City Mobile Force na nagmamaneho ng lasing.

Mahaharap si Bungaoen sa kasong paglabag sa Anti-Drunk and Drugged Driving Act of 2013.

Sinabi ni Dizon na bilang nagtatrabaho sa LTO, ang unang-una na dapat gagawin ay ang sumunod sa batas lansagan. (DDC)