Carlos Yulo nakabalik na ng bansa matapos ang tagumpay sa Asian Artistic Gymnastics Championships
Nakabalik na sa bansa si two-time Olympic gold Medalist Carlos Yulo.
Ito ay matapos ang kaniyang tagumpay sa 2025 Asian Artistic Gymnastics Championships na ginanap sa South Korea kamakailan.
Bitbit ni Yulo ang kaniyang gintong medalya at tatlong bronze medal.
Si Yulo ay nagwagi ng gintong medalya sa floor exercise at nakakuha ng bronze medals sa individual all-around, vault, at parallel bars.
Sinalubong si Yulo nina Philippine Sports Commission Chairman Richard Bachmann at Executive Director Paulo Francisco Tatad sa NAIA Terminal 1. (DDC)
