MMDA at Caloocan LGU nagsagawa ng cleanup drive sa Maligaya Creek
Magkatuwang ang Metropolitan Manila Development Authority (MMDA) at ng Caloocan City Government sa isinagawang cleanup drive sa Maligaya Creek located malapit lamang sa La Loma Cemetery Exit at San Pancracio Parish sa Barangay 120 sa nasabing lungsod.
Binigyang-diin ni MMDA General Manager Procopio Lipana ang hakbang sa paglilinis ay parte ng ahensiya sa kanyang “Bayanihan sa Estero” program, isang inisyatibong pangkomunidad na layong tanggalin ang mga naipong basura mula sa mga estero at kanal sa buong Metro Manila.
“The program dubbed “Estero ay Alagaan, Bayan ay Protektahan” seeks to address major blockages that impedes the natural flow of water. Through this initiative, we would be able to remove waste from drainage systems that could worsen flooding during heavy downpours,” sabi ni Lipana.
Umapela si Lipana sa publiko na wastong itapon ang kanilang mga basura upang maiwasan ang malawakang pagbabaha lalo na’t nagsimula na ang tag-ulan.
Nasa 24 dump trucks o katumbas ng 48 na toneladang basura ang nakolekta sa Maligaya Creek simula nitong weekend hanggang ngayong araw ng Miyerkules ayon sa MMDA Flood Control and Sewerage Management Office.
Kabilang sa mga nakuhang basura ay ang plastic bottles, food wrappers, at lahat ng uring basura na walang habas na itinapon sa mga estero at creek.
Sa datos ng MMDA mayroong 273 creeks sa Metro Manila na may kabuuang 570 na kilometrong haba.
Samantala, ang lahat ng 71 na pumping stations na pinapamahalaan ng ahensiya ay 100 porsiyentong operasyunal at gumagana ito ng pangkalahatang kapasidad.
Nagpasalamat naman si Caloocan City Administrator Aurora Ciego, sa inisyatibo ng MMDA at pangunahan ang cleanup operations.
Sumama rin ang mga tauhan ng Department of Environment and Natural Resources (DENR) sa ikinasang cleanup drive. (Bhelle Gamboa)
