10 pang gamot hindi na papatawan ng VAT ayon sa FDA

Sampu pang mga gamot ang mapapasama sa listahan ng mga gamot na exempted o hindi pinapatawan ng Value-Added Tax (VAT).

Kasunot ito ng pag-endorso ng Food and Drug Administration (FDA) sa dagdag na mga gamot para mapasama sa exemption ng Bureau of Internal Revenue (BIR).

Kabilang sa mga gamot na ito ang isang gamot sa mataas na cholesterol, dalawang gamot para sa cancer, dalawa para sa diabetes, dalawa sa hypertension, at tatlong gamot sa mental health disorders.

Ayon sa FDA malaking tulong ito para mabawasan ang gastusin sa gamot ng mga maysakit na mamamayan.

Tiniyak ng FDA na sa pakikipag-ugnayan sa iba pang ahensya ng gobyerno ay patuloy na ipaprayoridad ang kalusugan ng mga mamamayan at patuloy pang pag-aaralan ang pagpapalawig sa listahan ng mga gamot na aalisan ng VAT. (DDC)