Bagyo sa labas ng bansa lumakas pa, isa ng tropical storm ayon sa PAGASA

Isang bagyo sa labas ng bansa ang binabantayan ng PAGASA.

Mayroon ding Low Pressure Area na nasa loob ng Philippine Area of Responsibility (PAR) ang minomonitor ngayon ng weather bureau.

Ayon sa PAGASA ang Tropical Storm “Wutip” ay nasa 655 kilometers West ng Iba, Zambales.

Taglay nito ang lakas ng hangin na aabot sa 65 kilometers bawat oras at pagbugso na aabot sa 80 kilometers bawat oras.

Samantala ng LPA naman na nasa loob ng PAR ay huling namataan sa layong 585 kilometers East ng Infanta, Quezon.

Sa ngayon ay maliit ang tsansa nito a mabuo bilang bagyo sa susunod na 24 na oras. (DDC)