Eastern Visayas isinailalim ni Pangulong Marcos sa state of calamity sa loob ng isang taon

Idineklara ni Pangulong Ferdinand Marcos Jr. ang state of calamity sa Eastern Visayas dahil sa krisis na dulot ng pagsasara ng San Juanico Bridge.

Sa bisa ng Proclamation No. 920, ang state of calamity ay magtatagal sa loob ng isang taon na nagsimula noong June 5, 2025.

Ayon sa proklamasyon, kailangang mabilis na matapos ng repair at rehabilitasyon sa tulay upang matiyak na hindi mababalam ng matagal ang paghaahtid ng essential goods at serbisyo sa mga apektadong probinsya sa Eastern Visayas.

Inatasan ng Malakanyang ang Department of Public Works and Highways (DPWH) na madaliin ang rehabilitasyon sa tulay.

Ang Department of Budget and Management (DBM) naman ay inatasan na umasiste sa DPWH sa pagtukoy ng karampatang funding sources para masuportahan ang repair.

Tutulong din ang iba pang ahensya ng gobyerno at ang law enforcement agencies sa mga pangangailangan para matugunan ang kriris. (DDC)