115 na dayuhan naipatapon palabas ng bansa ng BI sa unang linggo ng Hunyo

Sa unang linggo ng buwan ng Hunyo umabot na sa 115 na dayuhan ang naipatapon palabas ng bansa ng Bureau of Immigration (BI).

Ayon sa BI, bahagi ito ng kampanya ng administrasyon ni Pangulong Ferdinand Marcos Jr. na isulong ang national security at ipatupad ang immigration laws upang masigurong hindi nagagamit ang Pilipinas bilang taguan ng mga undocumented aliens at ng mga may kinakaharap na kaso sa kanilang bansa.

Karamihan sa mga dayuhang naipatapon palabas ng bansa ay nagtatrabaho ng walang karampatang dokumento sa Philippine Offshore Gaming Operators (POGO) industry.

Ayon kay BI Commissioner Joel Anthony Viado, kabilang sa naipa-deport ang sumusunod na bilang ng mga dayuhan:

June 3 – 44 Vietnamese nationals
June 4 – 26 Vietnamese at 12 South Koreans
June 5 – 7 Vietnamese
June 6 – 25 Vietnamese at 1 Malagasy national

Lahat sila ay inilagay na sa blacklist ng BI para matiyak na hindi na sila makakapasok muli sa bansa.

Ayon kay Viado karamihan sa mga naipa-deport na dayuhan ay nagtatrabaho sa POGO hubs at sangkot sa iba’t ibang organized crime, gaya ng online fraud at trafficking. (DDC)