Cut-off age para sa kindergarten mas pinalawak ng Deped

Mas pinalawak ng Department of Education (DepEd) ang cut-off age para sa mga batang papasok sa Kindergarten.

Ayon sa DepEd, kaskunod ito ng utos ni Pangulong Ferdinand “Bongbong” Marcos Jr. na mas gawing accessible ang Kindergarten sa mga starting learners.

Batay sa dating regulasyon na dapat ay 5 taong gulang ang bata bago mag-June 1 para makapasok sa Kindergarten.

Ngayon ay ginawa itong 5 taong gulang ang bata pagsapit ng Oct. 31 para makapasok sa Kindergarten.

Papayagan ding mag-kindergarten ang mga bata na maglilimang taon pa lamang mula Nov. 1 hanggang Dec. 31 kung:
– Nakakumpleto na ito ng 1 taong Early Childhood Development (ECD) program sa rehistradong Learning Center na may katibayan

– Sumailalim sa ECD checklist assessment ng Kindergarten teacher mula enrollment period sa unang lingo ng school year.

Sa pamamagitan nito ayon sa DepEd ay magiging bukas ang mga silid-aralan sa mas maraming Kinder learners. (DDC)