Tinaguriang “Mt. Kamuning” sa EDSA pinagigiba ni Pangulong Marcos

Iniutos ni Pangulong Ferdinand Marcos Jr. sa Department of Transportation (DOTr) na tanggalin na ang tinaguriang Mt. Kamuning footbridge sa Quezon City at palitan ito ng bago at mas maayos na tawiran.

Ang nasabing overpass ay kontrobersyal sa pagiging sobrang matarik.

Hindi rin ito accessible lalo na sa mga senior citizen at persons with disability (PWD).

Ayon kay DOTr Sec. Vince Dizon, ipinag-utos ng pangulo na gibain ang nasabing overpass at magtayo ng panibago.

Plano ng DOTr na palitan ang Mt. Kamuning ng mas mababang footbridge na may elevators at konektado na sa GMA-Kamuning EDSA Busway station.

Inaasahang sisimulan ang kontruksyon nito ngayong taon. (DDC)