Tatlong auto surplus shops sa Davao City na ilegal na nag-aangkat ng right-hand drive na sasakyan sinalakay ng LTO

Sinalakay ng Land Transportation Office (LTO) katuwang ang local na pulisya sa Davao City ang tatlong auto surplus shops na nag-aangkat at nagre-rebuild ng right-hand driver motor vehicles.

Ayon kay LTO Chief, Assistant Secretary Atty. Vigor D. Mendoza II ikinasa ang operasyon laban sa JP Malik Trucks and Equipment Corp., Mahar Motor Surplus Corp., at Umar Japan OPC matapos ang natanggap na intelligence reports sa ilegal na pag-aangkat ng sasakkyan ng mga ito na kanilang ina-assemble.

Sa imbestigasyon, ang tatlong motor vehicle surplus shops na naka-base sa Davao City ay walang LTO accreditation bilang importer, rebuilder at dealer ng right-hand drive motor vehicles.

Ayon kay Mendoza, ang pag-aangkat ng right-hand drive na mga sasakyan ay ipinagbabawal sa ilalim ng Republic Act 8506.

Iniutos ng LTO ang pag-impound sa 42 right-hand drive vehicles na nakita sa storage area ng Umar Japan OPC, at 1 pang right-hand drive na sasakyan na nasa Mahar Motor Surplus Corp, at 2 right-hand drive trucks na nakita naman sa compound ng JP Malik Trucks and Equipment Corp.

Inihahanda na ng LTO ang pagsasampa ng kaso laban sa tatllong surplus shops. (DDC)