55 huli sa paglabag sa truck ban sa EDSA
Umabot sa 55 ang bilang ng mga nahuli sa paglabag sa truck ban sa EDSA sa ikalawang araw ng muling pag-iral ng truck ban sa mga pangunahing lansangan sa Metro Manila.
Ang nasabing bilang ayon kay MMDA EDSA Traffic Head Bong Nebrija ay nahuli umaga pa lamang ng Martes, December 15.
Kahapon ayon kay Nebrija, umabot sa 61 ang bilang ng mga nahuling lumabag sa truck ban.
Ibig sabihin ang mga nahuli ngayong umaga ay 90 percent na aniya ng kabuuang bilang ng violators na nahuli kahapon.
Magpapatuloy ang operasyon ng Team EDSA ng MMDA ngayong maghapon.
