Higit P455K na halaga ng shabu nakumpiska sa Makati Drug Bust; HVI suspect timbog

Tinatayang 67 na gramo ng umano’y shabu na nagkakahalaga ng ₱455,600 ang nakumpiska ng mga operatiba ng Makati City Police Station at naaresto ang isang high-value drug personality sa kasagsagan ng buy-bust operation sa Barangay Olympia ng lungsod.

Kinilala ang suspek na si alyas “Waki,” 61-anyos,at nakalista bilang High-Value Individual (HVI) sa anti-illegal drugs watchlist ng pulisya.

Sa isinagawang operasyon ng Station Drug Enforcement Unit (SDEU)sa ilalim ng superbisyon ni Maj Ryan B. Salazar at kabuuang direksiyon ni Col Jean I. Dela Torre, Chief of Police ng Makati CPS,sa koordinasyon ng mga tauhan ng Sub-Station 1.

Narekober na ebidensiya ang umano’y shabu, buy-bust money, at sling bag na pinaglagyan ng ilegal na droga.

“This arrest is a result of the continuing intensified operations of Makati Police against illegal drugs. We are committed to taking high-value targets off our streets and ensuring the safety of our communities,” pahayag ni BGen Joseph R. Arguelles, Acting District Director ng Southern Police District.

Nasa kustodiya ng pulisya ang suspek at sasampahan ng kasong paglabag sa Comprehensive Dangerous Drugs Act of 2002 sa Makati City Prosecutor’s Office. (Bhelle Gamboa)