Panahon ng tag-ulan pormal nang idineklara ng PAGASA

Pormal nang idineklara ng PAGASA ang pagsisimula ng rainy season o panahon ng tag-ulan sa bansa.

Ayon sa PAGASA, batay sa latest weather analysis at rainfall data, naobserbahan ang kalat-kalat hanggang sa malawakang pag-ulan sa sa nakalipas na limang araw dahil sa pag-iral ng Southwest Monsoon o Habagat.

Partikular na nararanasan na ang panahon ng tag-ulan sa Luzon at Visayas.

Ayon naman sa PAGASA, maaari pa ding makaranas ng monsoon break sa mga susunod na araw o lingo.

Sa ngayon ay inabisuhan na ng PAGASA ang mga ahensya ng gobyerno na maghanda sa posibleng maging epekto ng tag-ulan gaya ng pagbaha at landslides. (DDC)