374 interns sa ilalim ng Special Program for Employment Students sa Pasig City opisyal nang nai-deploy

Opisyal nang na-deploy ang 374 na interns sa iba’t ibang tanggapan ng Pamahalaang Lungsod ng Pasig para sa Batch 4 ng programang Special Program for Employment of Students — In-School Youth (SPES-ISY).

Ang nasabing mga intern na pumasa sa screening process ay kinakailangang mag-report sa kani-kaniyang assigned City Hall offices at departments simula ngayong araw, June 2, 2025 hanggang July 1, 2025.

Tiniyak naman ng Public Employment Service Office na ang schedule ng deployment ng interns ay hindi makakaapekto sa pagsisimula ng kanilang pasok sa paaralan.

Sa mensahe ni Pasig City Mayor Vico Sotto sinabi nito na ang 60% ng sahod ng interns ay magmumula sa Pamahalaang Lungsod ng Pasig at ang 40% naman ay mula sa Department of Labor and Employment (DOLE).

Ipinaalala rin ni Sotto sa mga intern na kaakibat ng pagtanggap ng sahod mula sa kaban ng bayan, malaki man o maliit ang halagaay ang mas mataas responsibilidad na kinakailangan nilang gampanan. (DDC)