1 + 3 promo sa MRT-3, LRT-1 at LRT-2 inilunsad ni Pangulong Marcos

Inilunsad ni Pangulong Ferdinand Marcos Jr. ang 1 + 3 promo sa MRT-2, LRT-1 at LRT-2 tuwing araw ng linggo.

Ayon sa Department of Transportation (DOTr) sa ilalim ng Pamilya 1 + 3 promo, kapaga raw ng Linggo, libre na ang sakay ng hanggang tatlo merong isang miyembro ng pamilya basta’t mayroong isang family member na magbabayad.

Bahagi ito ng Bagong Pilipinas initiative ng gobyerno upang isulong ang pagkakaroon ng quality time sa pamilyang Pilipino.

Makatutulong din ito ayon sa DOTr na maibsan kahit papaano ang gastusin ng mamamaya.

Ayon sa pangulo, sa pamamagitan ng Pamilya Pass 1+3 promo sa lahat ng rail lines sa Metro Manila mababawasan ang gastusin sa pamasahe ng mga pamilya at makapagsasama-sama pa sila kapag araw ng Linggo.

“Ang kultura ng Pilipino, pag Linggo, para sa pamilya ‘yan. Para sa mga mahal sa buhay para mabigyan natin ng pagkakataon ang ating mga kababayan na maramdaman naman nila ang Linggo.,” sinabi ng pangulo.

Ang Pass 1+3 promo ay nagsimula na ngayong araw, June 1 at tatagal hanggang sa huling araw ng Linggo ng 2028.

Kabilang sa maaaring maka-avail ang magpapamilya, kasama na ang magulang, mga anak, lolo at lola, mga tito at tita o guardians na kasama sa biyahe ang kanilang dependents. (DDC)