EDSA Rebuild, ipinagpaliban ni Pangulong Marcos

Iniutos ni Pangulong Ferdinand Marcos Jr. sa Department of Public Works and Highways (DPWH), Department of Transportation (DOTr), Metro Manila Development Authority (MMDA), at iba pang concerned agencies na magsagawa ng mas mahaba pang pag-aaral at maglatag ng konkretong plano bago isagawa ang EDSA Rebuild.

Nais ng pangulo na mapabilis sa anim na buwan lamang ang gagawing rehabilitasyon sa EDSA upang hind imaging matagal ang paghihirap ng mga motorista at commuters.

Ayon sa DOTr, para sa pangulo ay hindi katanggap-tanggap ang dalawang taong kalbaryo at dusa sa trapika at maraming oras at oportunidad ang masasayang sa mga komyuter at motorista.

Sisiguruhin ng DOTr na makikipagtulungan ang ahensiya sa mga partner agencies upang matupad ang kautusan ng pangulo na pagaanin at pabilisin ang biyahe ng mga komyuter at motorista. (DDC)